Shërbimet e urgjencës thonë se kanë pranuar 2.450 thirrje për operacione shpëtimi.

Të paktën 3 persona e kanë humbur jetën në një stuhi të ngjashme me uraganin, “medicane” (uragani mesdhetar) që goditi Greqinë.

Cikloni Ianos goditi pjesët perëndimore dhe qendrore të vendit të enjten mbrëma, e cila çoi në ndërprerje të energjisë dhe shkaktoi rrëshqitje të tokës si dhe detyroi autoritetet të mbyllin shkollat në zonë.

Shërbimet e urgjencës thanë se pranuan 2.450 thirrje për operacione shpëtimi në të gjithë Greqinë deri të shtunën vonë. Të paktën 896 misione shpëtimi janë kryer.

Ndaras me këtë, një grua 43-vjeçare thuhet se është zhdukur dhe po zhvillohet një operacion kërkimi për gjetjen e saj.

Stuhitë e stilit tropikal janë të rralla në rajon dhe thuhet se janë si rezultat i ndryshimeve klimatike.

Vendi evropian u godit nga një stuhi e ngjashme në vitin 2018./AA/